Páskar, Landsfundur, kosningar, frí, Kína, London og hvað meira??

Það eru að koma páskar eins og kannski flestir vita en ég get ekki beðið, ég ætla að taka því rólega, fara smá með Arndísi sem er loksins komin heim að dansa. Síðan ætla ég bara að liggja upp í sófa og horfa á imbann. Jibbý jey!!

Landsfundur okkar Sjálfstæðismanna er á næsta leyti og get ég ekki annað sagt en ég er að deyja úr spenningi, hef farið einu sinni áður og það var hreint út sagt stórskemmtilegt. Mikið samt að gera þangað til en þetta snýst víst allt um eitt og það er skipulagning!

Kosningar eru svo sannarlega að koma og útlit er fyrir að auglýsingaflokkarnir tveir ætli að þenja sig út vel fyrir kosningar því Samfó og Framsókn eru byrjuð að auglýsa á fullu. Örvæntingin skín svo í gegn hjá þessu liði að manni verður næstum illt. Auglýsing Frjálslyndra var hræðileg um helgina, ég gjörsamlega get ekki þolað þennan flokk og fyrir mér finnst mér hræðilegt að þeir hafi nafnið Frjálslyndir get ekki sagt annað. Þetta er svo langt frá því að vera frjálslyndur flokkur að næstum vinstri grænir gætu betur borið þetta nafn. Ég er bara bjartsýn fyrir minn flokk, við erum traust og sterk og ég held að þegar fólk spáir í því er ekkert annað sem kemur til greina en Sjálfstæðisflokkurinn í næstu ríkisstjórn.

Eftir kosningar fær maður að anda á ný og stuttu eftir það er Kína og satt best að segja er tilhlökkunin farin að segja til sín, Sella er með nokkrar myndir af því sem við munum kíkja á í Kína.

Eftir Kína ætla ég, Sella, Sigga og Jóhanna að njóta okkar í London. Nánar tiltekið versla, verlsa, fara í leikhús, borða góðan mat og skoða London. ohh Hvað ég hlakka til....

Síðan er ég að hugsa um að reyna að fara í sumarbústað nokkrum sinnum í sumar, kannski eitthvað út á land og bara njóta þess að vera til.

Athugasemdir

[Anna (IP-tala skráð) 10.4.2007 kl. 15:47]

Hæ elsku Stella mín!  Mikið er gaman að lesa bloggið þitt sem og greinarnar sem þú skrifar á Deiglunni!  Þá get ég fylgst með þér og hvað þú ert að gera :)  Góða skemmtun á landsfundinum á laugardaginn.  Þín Anna frænka.

[Stefanía Sigurðardóttir, 11.4.2007 kl. 10:05]

Takk fyrir það Anna mín.