Hláturinn lengir lífið

Ég bara stenst ekki mátið og verð að segja frá einni bestu frétt sem ég hef heyrt. Fréttir Stöðvar 2 greindu frá því í kvöld að á kosningafundi stöðvarinnar í Suðurkjördæmi höfðu bæði fulltrúar VG og Íslandshreyfingarinnar ekki meira vit á sínu svæði en það að í stað virkjanna vilja þeir sjá atvinnuppbyggingu í Bláa Lóninu og slíkum hlutum. Þeir vissu greinilega ekki að Bláa Lónið er affall virkjunnar og það sem meira er að Lónið er kallað umhverfisslys og yrði aldrei leyft í dag. En þessir fulltrúar eru greinilega bestir í umhverismálum. Ótrúlegt!

En það sem meira er að í formannaþætti stöðvar 2 svaraði Steingrímur J spurningu um hvaða atvinnuuppbyggingu hann sæi í stað álvera og virkjanna sagði hann dæmi um fjölskyldu sem er að byggja bjórverksmiðju. Því mætti segja að það sem hann vill er að við förum að framleiða meira af bjór. Það er svo mikil kaldhæðni í því. Maðurinn barðist hart á móti því að bjórinn yrði leyfður á Íslandi fyrir 18 árum síðan. Já Steingrímur var þá á þingi. Síðan spyr ég líka ætli að í þessari bjórverksmiðju sé "gott"ál eins og þau vilja hafa það í VG?

Ég hló alla vega mikið af þessari frétt og því hafa vinstri græn og Íslandshreyfingin lengt líf mitt eitthvað.

Annars er bara nóg að gera í baráttunni og flott könnun fyrir okkur, ég bíð ofsaspennt eftir annarsvegar kosningum og hins vegar Eurovision. Ég held samt að ég hafi aldrei verið eins lítið inn í málum þegar kemur að Eurovision, kannski Súsnna geti frætt mig um hver er bestur og hver er verstur.

Það verður mikið fjör á fimmtudaginn í Húsi Verslunarinnar þar sem verður spáð í Eurovision með spekingum. Hlakka til að sjá þig þar.

Áfram XD

Athugasemdir

[krossgata, 7.5.2007 kl. 14:14]

"En það sem meira er að í formannaþætti stöðvar 2 svaraði Steingrímur J spurningu um hvaða atvinnuuppbyggingu hann sæi í stað álvera og virkjanna"

Steingrímur og reyndar allir frambjóðendur aðrir en frambjóðendur sjálfstæðisflokksins fá þessa spurningu og aðrar hliðstæðar.  Það væri nú gaman ef frambjóðendur sjálfstæðisflokksins fengju þær einu sinni líka og þyrftu að svara þeim. 

Spurning hvort xd yrði þá kostur sem maður tæki til greina.  Það er þó ljóst að það verður ekki um þessar kosningar þar sem það er bara ekki í minni hirðsiðabók að setja hugsunarlaust x við bókstaf flokks sem hefur lítið annað sagt en að það eigi að kjósa hann af því fólk hafi alltaf gert það.

[Stefanía Sigurðardóttir, 8.5.2007 kl. 09:51]

Ég bendi þér á að hjá sjálfstæðisflokknum geturu sent inn spurningu til Geirs eða Þorgerðar og þau svara þér, þú getur gert þetta á www.xd.is