Til hamingju Sóley

Langaði bara að óska samstarfskonunni minni innilega til hamingju með kosninguna.

Það verður jafnframt gaman að sjá hvort það verði samþykkt á landsfundinum að það verði lögbundinn kynjaskipting á þingi 50%/50%, eða að það verði kynjuð fjárlagagerð hvað sem það er? Sóley kannski skýrir það fyrir mér.

VG til hamingju með landsfundinn

Steingrímur endurkjörinn formaður og Katrín varaformaður VG

Stelpur stöndum saman!

Mér var sent bréf um daginn, það var skilgreindur spampóstur sem ég var ánægð með en hann kom frá stuðningsmönnum Ingibjargar Sólrúnar. Yfirskrift bréfsins var ,,Stelpur stöndum saman! Við sigrum allar." Ekkert finnst mér að því svo sem að stelpur standi saman líkt og vinir gera en ég fór að velta fyrir mér öllu þessu lofi sem er á einni konu. Mér finnst ekki rétt að horfa bara á eina konu sem vonarneistan fyrir kvennþjóðina, ég tel að fjöldinn og gæðin sé það sem skiptir máli. Síðan má ekki gleyma því að miðað við fylgi Samfylkingarinnar er ekki útlit fyrir að hún stýri þjóðarskútunni heldur því ef vinstri stjórn verður er nú mun líklegra að Steingrímur stýri henni.

En ef meira að segja hinn svo kallaði "kvenfrelsis flokkur" sjálfur VG er með karlmann sem formann eiga þá konur ekki að kjósa þann flokk? Hvað segir VG við því? Ég held að þetta sé ekki það sem skipti máli hver siti í efsta sætinu því ef þú byggir allt á einni manneskju áttu ekki eftir að ná langt því það vinnst allt á hópnum, einföld staðreynd.

Samfylkingin er ekki betur stödd en aðrir flokkar í fjölda kvenna á lista en þau reyna að villa fólki sýn með því að dangla Ingibjörgu fyrir framan nefið á kjósendum sem enn á ný eini lausnin á bágum hluta kvenna á Alþingi.  

Í bréfinu stóð t.d. að Ingibjörg hefði kjark til að bjóða karlaveldinu byrginn. Það má vel vera en hún er alls ekki ein í því að þora að standa upp og tala sitt mál, við skulum ekki gleyma hinum konunum sem standa upp og segja sína meiningu; Þorgerður Katrín, Kolbrún Halldórs, Margrét Frímanns og Siv Friðleifs. Allt eru þetta konur sem eru áberandi í stjórnmálum og vinna hart að sínum málum og ef það væri brotið á rétti þeirra þá myndu þær láta í sér heyra.

Í bréfinu stóð jafnframt að hún væri glæst fyrirmynd íslenskra kvenna. Mitt svar við því er einfalt allar þær konur sem láta sig málin varða eru fyrirmyndir.

Ingibjörg er ekki eina von kvenna.

 

Fyrsta blogið mitt

Ég hef ákveðið að prófa þetta frábæra blog, reyna mitt besta að hafa áhrif á umræðuna sem á sér stað innan blogheima.

Ég vona að þetta verði skemmtilegt og þá sérstaklega að þér lesandi góður þyki þetta skemmtilegt.

 

Fyrsta bloggfærsla

Þessi færsla er búin til af kerfinu þegar notandi er stofnaður. Henni má eyða eða breyta að vild.