Hvað stendur upp úr eftir helgina góðu

Eftir langa helgi er rétt að fara yfir það sem gekk á um helgina. Fimmtudag til sunnudags var ég á landsfundi okkar Sjálfstæðismanna.

Fimmtudagur:

Fyrri hluti dagsins fór í að redda hlutum og klára básinn okkar í SUS, aðalega að redda hinu og þessu. Um fimm leytið var svo setningin og er ekki hægt að segja en ég var að springa úr stolti, setningin var óaðfinnanleg. Hún sýndi fram á breiðan hóp frambjóðenda, flottustu forystu sem einhver flokkur getur óskað sér. Eftir frábæra ræðu Geirs héldu ungir sjálfstæðismenn til Valhallar og héldu fund um málefnin sem lágu fyrir landsfundi. Þar var mikið fjölmenni og gaman að hitta alla svona saman. Eftir þann fund drifum við stelpurnar okkur á Kvennakvöldverð á Nesinu og fengum okkur góðan kvöldverð og skemmtum okkur vel. Síðan var kíkt í kosningamiðstöðina okkar í Húsi verslunarinnar. Frábært kvöld

Föstudagur:

Vaknað snemma og tekið á móti sprækum Borgarholtsskólastelpum sem voru í kynningarferð í lífsleikni og Erla sýndi þeim hvernig landsfundur virkaði og svaraði síðan spurningum þeirra. Síðan fór mestur hluti dagsins í það að redda partýi okkar SUSara um kvöldið. Ég gaf mér samt tíma í fjölskyldunefndina og náði nokkrum hlutum í gegn þar. Síðan var partý í Þróttaraheimilinu sem við Ungir sjálfstæðismenn sáum um. DJ Frikki Ársæll sá um að þeyta skífum og það var dansað fram á nótt. Endaði loks á Ölstofunni eins og svo oft áður ;)

Laugardagur:

Byrjaði daginn á Fjölskyldunefndinni og hélt áfram vinnunni. Síðan var afgreiðsla ályktana í sal og það var mjög gaman, við náðum fullt af flottum málum í gegn. Ég held að ef fólk sem er í vafa með hvað þeir eigi að kjósa skuli þeir bara lesa ályktanirnar okkar þeir sjá ljósið ;) Síðan setti ég met á laugardaginn, ég náði á 40 mínútum að fara úr Laugardalshöll heim í Grafarholt (í leigubíl) sturtu, klæða mig, greiða mér, mála mig og hringja á leigara og niður á Broadway. Þetta hlýtur að vera met. Ég skemmti mér konunglega á Landsfundarhófinu og endaði svo aftur á Ölstofunni. SUrprice!

Sunnudagur:

Þreytan gjörsamlega að fara með mann en maður verður að halda áfram. Ég sat í salnum og var í því að greiða ályktunum atkvæði. Síðan var kosning eins og áður hefur komið fram. Glæsilegt!!

Mig langar að benda fólki á það sem kom í gegn í fjölskyldunefndinni :) Það eru hagsmunir samfélagsins að einstaklingar sæti ekki mismunun á grundvelli þjóðernis, uppruna síns, kyns, kynhneigðar, trúarbragða,  fötlunar, litarháttar eða skoðana. Forstöðumönnum trúfélaga verði gert heimilt að staðfesta samvist samkynhneigðra. 

Síðan langar mig að þakka þeim sem lögðu hönd á plóg um helgina fyrir SUS. Takk kærlega þig voruð æði